صار بدها حل
مدرسة الأخلاق المنحرفة (القصة الثانية) في قصتنا اليوم رح نشوف المديرة القديرة و تصرفها الحكيم في موضوع البنت اللي عاملة حالها زعيم المدرسة. طبعا انسو اني استنيت نص ساعة لحتى أقابل معاليها، و لما انسمحلي ادخل عندها كان عندها مشرفين من التربية 😏، شكلو كان موضوعي واصلها فقبل ما ابدأ احكي كانت بدها تحولني للمساعدة حتى اكتب شكوتي، طبعا رفضت لأنو باعتقادي انو كل هاد حكي فاضي و ما رح ينحل الموضوع. شرحتلها القصة من الألف إلى الياء و حاولت انها اتضيع الموضوع بطلبات سخيفة. المهم و شو بدكم بطول السيرة و كأنها ما سمعت او بالأحرى ما اهتمت في الموضوع، رجعت قالتلي روحي للمساعدة. ضبطت أعصابي لأني عارفة انها ما رح تحل ولا تربط و كانت جيتي عندها هي عبارة عن فرصة اخيرة قبل ما أروح لوزارة التربية و التعليم و أقدم فيها شكوة مكتوبة مني و من بعض أهالي الطالبات. بس قبل ما أنهي القصة التانية، رح أجاوب عن شوي من أسئلة القصة الأولى، و أول سؤال كان (شو دورها في المدرسة؟)، الجواب ببساطة ولا شي، و الدليل على جوابي، انو المدرسة فالتة ما فيها انضباط، و ازا حد اجا يحكيلي شو دليلك على اللي بتحكي في، بجاوب انها ما